نسيم الليل لي نسنس براده=يشوّج خاطري نفحة شذاه
مشاعر شوق تعبيره وداده=من الاعماق في صمت الشفاه
تملّكني هواه ابلا اراده=تمكّن في مخيّلتي هواه
فلا سمّى ولا أبدا الشهاده=نهب روحي و أعياني تراه
ولا لي حيلةٍ تلفي بفاده=ترد الروح لي هامت تباه
مزاجه يا حمد قلبي عناده=يحطّمني غروري في رجاه
أحب ابصدق وايمان أو وكاده=و احب الصمت ما بيّن غلاه
اكاتمها الأحاسيس ابجلاده=وخفّي ونّتي لي قلت آه
أحب أبعد ولا اتمنّى بعاده=احاول ابتعد واكسب رضاه
ولو هو بيّن إمّا في فواده=أخفّيها أحاسيسي جداه