يالله طلبتك يا عليم =يا واحدٍ ما شي خفاه
تنشي لنا من الغرب غيم =شوامخٍ في مبتداه
يسري إلى غط العتيم =وتشوق برقٍ في سماه
مثل الحرايق في الهشيم =ما تعرف ليله من ضحاه
شهرين ياخذ مستقيم = لي راح جاها من قفاه
يحداه نسناس النسيم=كوسٍ من المطلع هواه
في الارض سوّى له حطيم=مثل المكاين دفق ماه
شقّ الجبل لو هو صميم=ومن العلا حدّر حصاه
اظهر جديدٍ مع قديم =وحولين ما ينشف ثراه
م العشب تخضرّ الزميم=والسيح جاه اما كفاه
يحيي الأراضي اللي رميم=ويعم حضره والبداه
ولبدوي يسبح مقيم =في منزله ما حدٍ غثاه
أرغد لقاحه والفطيم=والطعم ما حدٍّ شراه
من فضل رب العالمين =عن الطعام الله غناه
هذا الحيا قالوا عميم= أسقى البحر ويا الفلاه
من دار زايدنا الكريم=لين السعودية مداه
ابجاه عيسى والكليم=ومحمدٍ خير البراه
يالله تعز المسلمين=على الصهاينة العداه
ومن عقب ذا قال الفهيم = لي بالفراق الله بلاه
يالله من قلبٍ سقيم=م العام ما حصل مناه
متعطلٍ مثل اليتيم=لي ما تشرّغ في رباه
من فقد مضنونٍ حشيم =هو طبّ عوقي هو دواه
خلٍّ أحبه من قديم=ما يعيضني حدٍّ سواه
هو طب عوقي يا غشيم =إن كان باتنعت دواه
ما بي هوى ظول الحريم=بي صاحبٍ طيّب نباه
حولين ما شفت النديم=ما ادري جفا لو إش بلاه
وبعلّتي ما هو غشيم =واللي جرى لي ماخفاه
أزمت كالبير الهديم=لي ما تورّده الرعاه
ياعزّتالي يا نديم=يا طول صبري يا وزاه
إن كان ذا صبرٍ مديم=الموت واحد والحياه
وصلاة رب العالمين =على محمد وانبياه