عيونك ترسل الشوق إلعيوني=تترجم لي احاسيس الضمير
عيونك لي غزوني واسلبوني=وانا اللي كنت م النظره حذير
حذيرٍ يا غناتي وانشبوني=نعم من شفتها ماني ابخير
تحيّرني ابنظراتٍ فتوني=وبسماتك تخلّيني أسير
أحاول أبتعد أصرف شجوني=وايلا بالشوق في افوادي يطير
جدا من بالهوى هم ولّعوني=متيّم في هواهم مستحير
تساورني على حبّك ظنوني=وترميني وسط بحرٍ غزير
عفا الله عن وشاةٍ كدّروني=عليك وخلّفوني كالكسير
أطفّي النار بالدمع الهتوني=من اعيوني وفتّش عن نصير
وغيرك يالغلا لو قدّروني=عن العالم جميعه إنته غير