زعلان تشكو دوم مظلوم=و انا اشتكي من عظم بلواك
قلبي عليك ايحن و يحوم=يكسر على دارك وسكناك
وانته مريح او طيّب النوم=وانا على جمر التهلاك
حمّلت نفسك يالضّنا او ثوم=و ايقنت اني مول ما باك
يا ملهمي ما ننقل اللوم=يكفاك شرّ اللي بينساك
حزّت الغلا ما تنقله قوم=حزته ولا حد حاز ميراك
أنا على ذكراك مفطوم= يا مالكنّي كيف بسلاك
غيرك بسوق البيع والسوم=وانت الضنا ما حد يسواك
انت ابحشايه مرّث ارسوم=ما ريد في مهواتك اشراك
يا عاذلي لا تكثّر اللّوم=ما سمعت عذلٍ به حجاياك