لابد من لقياه لابد=لو بالصدف من دون ميعاد
لو كان باب الوصل منسد=باب الرجا: له دوم منقاد
هيهات عنه ايوز وارتدّ=لو كان دونه حازت ابعاد
به راحتي واليوم لا سعد=عالي الاصل من ناسٍ ايواد
اسئل هبوب الكون وانشد=وارجب لقاه إبشوق يزداد
هل كيف لي ملتاع يرقد=لي واقعٍ جرحه في الفؤاد
على السهر جفني تعوّد=لا نوم يهنا لي ولا زاد
امن السهر لعيون تشهد=في الليل يوم اتهيع العباد
جنّي صويب ابماضي الحدّ=عوقي جديد اجروحه اجداد
خلنا زهور الود نحصد=ونغمّ كل واشي وحساد
لحسود خلّه عنك يبعد=يا زين واثبت لي بالعهاد
بالعون غيرك ماليه حد=مشفق على شوفك ووداد
انت خبير وعارف السد=لي من كتمته عوقي زاد
عطني على الوصول موعد=لو بالسلام أو مدّ لآياد
ياكم مقالي وارقب الرد=ثيب الذي بالحب منصاد
سلام لك مني بلاعد=تمتّ ابياتي ونظك لانشاد