حي ابمقالك حيّ معناه=حيّه عدد مافي السماء انيوم
حيّه عدد ما ناس تقراه=حيّه عدد مزنٍ من الغيوم
معنا مقالك عالي اتراه=عندي عزيز وفوق لخشوم
من شاعرٍ له عندنا جاه=نطلب من الله يعله ايدوم
((حسبي على الحب ومزاياه))=لي مدعي ((بوحميد)) مهموم
صابر على طول المجافاه=لا قوت لا راحة ولا نوم
يبكي ويلعي ونّته آه=يبكي وم الرّاحات محروم
من صاحبٍ حبّه وجافاه=واصبح تعيب الحظ مظلوم
الحب ((يا بالحب)) مدراه=والصد عوف وشين مفهوم
اصفح لخلّ كنت تهواه=اعذر وسامح جانك اتروم
لا تظلمه وتصدّق اعداه=في الناس من ظالم و مظلوم
عسى عسى يسمح بلقياه=وتفطر ابشوفه من عقب صوم
ويعود لك ويمد يمناه=ومعيشتك بتلذ لك دوم
صلاة ربّي عد شرتاه=يعل السعاده حولك اتحوم
ومنك العذر ((بالحب)) نرجاه=اسمح وسامح يعلك اتدوم