يا صاحبٍ بالخير نطريك=قل لي السب يا زين هجراك
أهواك يا عيوني وداريك=وشروى نظري العين ندراك
عن جملت الخلان خافيك=حلفت بالله ما نسيناك
لا يكون عربانك تواشيك=واتقول لك افلان خلاك
انت الي في القلب طاريك=انا غناتي ضايع ابلاك
هجرتني يا زين وش فيك=(شهرين) مرّن مالقيناك
ضاع الهزر يا صاحبي فيك=شمّتبي حسّادٍ احذاك
متخاف من ربّ معاليك=انّك تعذّب (بشر) شرواك
لاوّل تصافيني وصافيك=واجدد اشعاري لعيناك
قول لي غناتي من يناجيك=قول لي الصراحة علني افداك
قول لي حبيب القلب راجيك=فيك الامل وادوّر ارضاك
سلام من قلبٍ يحييّك=والف التحيه لا عدمناك