من عافنا يا زين عفناه=نضرب على أسمه ونلغيه
لا نهتف ابأسمه وذكراه=والا اللسان ايجيب طاريه
طيّ الحبل حبّه طويناه=ما عاد لي ردّه أنا فيه
شروات ما يسلا سليناه=في سلّة الاهمال نرميه
لو كان غالي اترى رخصناه=لي ايبيعنا هل جيف نشريه
الجسر لي مبني هدمناه=هوّنت عن وصلت مياريه
لاوّل اذا أبعد وصلناه=وعن أصغر الزلات نرضيه
واليوم بالمرّه رميناه=دامه تبيّن ذا الغدر فيه
حبل الوصل عنهم قطعناه=بدعي عسى لايّام تبليه
طيب الفعل ماكاب ويّاه=يا ناس خاب الظن لي فيه
كاس الصبر مرّه شربناه=وما ظنتي في العمر نثنيه