البارحه في نوم لخلوق=سهرت وعباد الله نعاس
هيضنيه سراية شروق=لي هب تالي الليل نسناس
يا مل قلب صار محروق=حرق الحطب لي عاد يباس
ويا صرم قلبي صرم لعذوق=لي يده اليديد بالداس
من بو ثمان بيض فروق=وعيون فيها رماح نكاس
غزيل في جنس مخلوق=سبحان ربي خالق اجناس
قوته حليب من لبن نوق=مرباعهن في رمل واطعاس
تحتار ليمن شفت لعنوق=ومضمر ونهود جلاس
ومعنق بزهي بلا طوق=ويزهي ولو ما حط لالباس
وإلى مشى ما هوب مطفوق=الأرض ما تمله يلي داس
يسد دون الشوف منطوق=غزلان بر زينة انفاس
هذاك لي يرث لك العوق=وإذا هرج هرجه توناس
يتم قلبك يخفق خفوق=خفق الحديد ان صابه الماس
الود لي ما هوب مسبوق=شروات بنيان بلا ساس
شفته وأنا ما هوب له شوق=وعودت من دونه بالافلاس
يا غير هو باق الحشا بوق=وارث ليه في القلب لغماس
القلب طير ما له سبوق=شله معه بو هدب نعاس
متعمد ما خذه برفوق=جاهل ودايسفيه انحاس
يعل لي من الغرب مسيوق=ياللي تسوقه ريح الاكواس
يسقي وطنهم سبعة طروق=أيام سعد ماهي انحاس
يسقي وطن لي منزله فوق=ما كثروا به هرج وارماس
حقب اتراكم ما بها فتوق=وينهل جوده وين ما داس
تتلامع مزونه م لبروق=ويسقي وطن مدقوق للعاس
وقت الصفاري والهوى دوق=يسقي مفالي إبل واغراس
وليمن كمل عشبه له رموق=فيه العشاير تبطي اكناس
يا زينهن في ذيك لعروق=عشب خضر ما هوب منداس
يالله تجعلنا بالوفوق=بجاه من له تسجد الناس