يالله يا علام خفيات الاسرار=ما واحد يكشف خفايا مثيله
الطف بقلب مالعنا صار كسار=ودمع على خدي تزايد هميله
البارحة دارت دواليب الاشعار=يوم انظرت عيني ابيات جميله
مقبول عذرك يا بعد كل مغوار=ومفهوم قولك يا زعيم القبيله
غنت لك الورقا على روس الاشجار=وعسن فالك بو عيون ثليله
وانا الذي مالظيج خطيت الاسطار=توني ريح الشعر اتبع سبيله
بي صاحب حبه شرا واهي النار=يسعر حشايه لين سوى شعيله
ايرن قلبي مثل ما رنت الطار=لي من طراله في منامه خليله
والله تجمعلي املوك الاقطار=ما عتاض في مظنون عيني بديله
حبه طوى قلبي كما طي الاحصار=وخلى حياتي في نكاده طويله
ايهل دمعي مثل مانف الامطار=على وليف مالجينا مثيله
له في حنايا اليوف طبع وتذكار=لو هو تنكر واعتذر بالوسيله
واعتاظ فينا حد من يملة الدار=وسلا حياته واعتبرها فضيله