(( كل يدور له كلام ايشيله ))

البارحه بت ابهواجيس وافكار=ساعة سمعت الي لفانا ابجيله
يطلب من الشعار تكشيف لاسرار=لانسان ماله في الذي ما ينيله
نخفي الأسامي عن حسود وهذار=واهل الشماته والقلوب العليله
لوما الشرف ما خفيت اعلوم واخبار=والنار تحرق لي وطاها ابريله
كل يعبر عن شعوره بالاشعار=وكل يخفي علته بالوسيله
لولا الصبر على تصاريف لقدار=من كان كل الناس صارت رذيله
ياذا الجدير اللي تبالغ بالاشعار=انت الذي جافاك تقلى بديله
ابحث عن التاريخ في كل لاسطار=بتشوف كل يشتكي من خليله
عليا الهلالية تعنت ع لبكار=ترحل الى بوزيد نعم القبيله
لكن هذا الوقت ياخوك غدار=وكل يدور له كلامٍ ايشيله
غلطتك عوده لكن الصفح نختار=واهل السماحه في زمنا قليله