قم يا نديبي فوق بنزٍ امنقّاي=اسرع من اطيور القنص في مسيره
واختص أبو راشد ابمكتوب شكواي=وقلّه ترى الموجوع عينه سهيره
شيخٍ فيهم الرأي بالمجد مسماي=من زد خل الله أنا بستشيره
لي من جفاك الخل يا شيخ ش الراي=تنساه والا تسمعه بالبصيره
انا اشتكي لله و اهديك شكواي=ما بي من اصروف الدهر من قصيره
بي من وداده باطن اليوف مخفاي=و حبّه على قلبي تزايد سعيره
انا دريك الحال من عظم بلواي=ويهل دمعي ما يونّي قطيره
اخفّي العبرات عن كلّ وشّاي=وأقول جاد الخلّ يلفي بشيره
لا هاتفٍ منه ولا طارش ياي=ولا نظرةٍ تشفي جروحي الخطيرة
هذا مقالي وانتظر رد شكواي=وإترى المولّع ما يغضي نظيره