بعطيك روحي يا حياتي بلا شي=لو كان تطفي ما بقلبي من النار
قولك ايريّحني و يبري الجاشي=بس انت جاسي ما تثيّب على الجار
ما طعت انا فيكم حسودٍ او واشي=قال التسلي من طباعك ولغدار
قلت اسكتوا حبه زرع في الحشاشي=ما غير ودذه أبغي اليوم تكرار
حبه سرى في مهجة الروح غاشي=وامسيت من حبه صويبٍ ومحتار
وحفظت ودّه عن حكي كل واشي=لي طبعهم نقل الحكايا ولسرار
ظنّيت فيك الخير والظن طاشي=ما هو كثيرٍ لو انا قلت غدّار
قلبي تخلّص من هواكم وعاشي=عيشه سعيده مع طيويلين لشبار
قي قربهم رويان ما هو عطاشي=خلا الظما مع واحد في الغلا بار
حبك بداه اليوم ضعف أو تلاشي=ولوّل يقاوم حبكم كل لاقدار
حوّلت حبك يالغضي ع المعاشي=ما شوف لي في حبكم صرفه أو كار