هلا يا حيّ من قوله عنالي=هلاً باللّي لفا من دار خلّي
هلاً بك يا مطر عدّ الليالي=ليالي الفايتة واللّي تهلي
عدد ما ناح في روس المفالي=حمامٍ في حياته مستعلّي
وعدد ما ذعذعت ريح الشمالي=وهزّت غصن وردٍ في غتلّي
هلاً من خاطرٍ سمحٍ أو خالي=يعيش ايّامه أفراح أو تسلّي
عقب ما عشت أنواع النّكالي=وعذّبني وانا به مستظلي
شقيت أو شفت أنّ الهجر طالي=ولا حدّ يخفف ما حصلّي
سقاني المر من عقب الزلالي=وخضّعني وشافوا الناس ذلّي
دخلنا في شباكه ما نبالي=صغار السّن نحسبها تسلّي
هو مرتاح ما يدري اش جرالي=وانا اتحسّب يجاسي الهمّ مثلي
و لو بو غيث شفته كيف حالي=غدى عقب الهنا هايف مولّي
ولكنّي جبرت القلب تالي=طردت الهم وادعيته يولّي
حمدت الله: نسيت وطاب فالي=من اهمومٍ قويّات تضلي
وحبيبٍ منزله بالقلب عالي=ولا غيره حشى بالقلب حلّي
خذه بالروف مع سلك العدالي=ولو يبغي عيونك لا تخلّي
وليفك يا مطر راعي دلالي=يبا: يراويك انواع التّغلي
تصبّر واعذره وافسح مجالي=وهو بو غيث لربوعك يدلّي
اذا يبغيك با يقطع رمالي=وبيوافيك والحاسد يطلّي
وجانه راد قطع الاتّصالي=بحفظ اللّي لعبده ما يخلّي
ترى المجفي و لو هو كان عالي=مسير القلب من حبّه يملّي