قال من يعرف موازين الفنون=والهوى والدر سعيّه والمعاني
لا جزى الله خير ضحّاك العيون=يضحك ولا عنده على ضحكه ضماني
ضحكته تجلب الى العقل الجنون=يفتنك ويصير في الآخر أناني
لو صخيت وصرت في وده حنون=ما يبادلك المحبه والحناني
كل يوم يندري ع كل لون=لو صفالك لك تغيّر في ثواني
يشتري و يبيع مع لي يشترون=حقك ابضحكه وضحكه حق ثاني
هيه يا من فالموده تايهون=الله اعلم مالفاكم لي لفاني
سرت اقيس القاف لنّ القاف نون=واستوى حرف الغوا ماله بياني
ريت ناسٍ في هواهم يلعبون=يبحثون النار لي ياها الدفاني
والضحى برزه ورمسة تيلفون=لا يغرّك يالخوي نقش اليماني
الغوى له ناس ما يتفشرون=ساترين الحسن عن شوف العياني
افتهم كانك من اللي يفهمون=لا تعاني في هواهم لا تعاني