قالوا الشعار لي يتمثلون=وانشروا رد المثايل في البياني
واحد ايدافع مع اللي يدافعون=وذاك يدرز في تخوّير الغواني
واعتنوا في شي به ما ينعنون=مثل ياللي يعتني في دون عاني
انت تفهم غير غيرك يفهمون=ويغزون اللي غزيته من زماني
ما عنيناكم ولا هم يحزنون=يعل لي نعناه ما له من بياني
نحن نطلع عكس ما تتصورون=وان تصوّرتوا ترانا بالمعاني
عارفين الشي من نظر العيون=كيف لي ينصح تسمونه أناني
في هوى ناسٍ من الناس ايغوون=وكم لي فاتوا من اسباب الغواني
ولي يغامر في هوى جوّ السكون=غزوته صارت شرا حرّ اضحواني
لك بوضّح جان با تفهم اشلون=عن بروح الحب يا سالم تراني
برج حظك لو يكون إمّا يكون=خابرنّه لو تخفّي ما خفاني
حرف غين وخط حرا الواو دون=واثن بالنقطات في ذاك المكاني
وفي ختام الجيل عن لا تحزنون=جان صوذب ظنّكم بعض المعاني
يعلكم دايم معاهم تفرحون=ولجلكم ازفّ من قلبي تهاني
بس خايف في المحبه تخسرون=في هوى لي ينقشون المغرباني
حاولوا في حبكم تستكشفون=وانظروا بالعمق في ذيج العياني
والحذر واجب مثل ما يزعمون=لي تتقّوا بالحذر قبل الاواني
لا تماشون الذي يتنططون=ع حبالٍ مايلات الاتزاني
هيه يا شعّار وانتو تنصفون=يا رعى الله من يراعي للمعاني
كيف لي يسقط مع اللي يسقطون=نمنحه لجل الخواطر دور ثاني