بتّ ابشقا و الدمع ذرّاف=ينزف على لخدود و يسيل
ابجي و قلبي فيه لحساف=على الذي شدّ التراحيل
لي له قدر و أعزّ لولاف=ودومي عليه افوادي اشغيل
شخصٍ من العالين لاشراف=هذاك لي له قلبي ايميل
شكله حسينٍ ماله اوصاف=في القلب ارّث لي تعليل
يا ليت من بيسير لوّاف=جدواه و يبلّغ مراسيل
لانّ الهوى ياناس تلاف=ما فيه ماواتٍ و تسهيل
يجعلك في محنه أوتكلاف=ودايم عليك اترابه ايهيل
دربه عويج و منّه اتخاف=يرميك في محنه أو تضليل
ياها الحبيب احكم بالانصاف=داخل عليك ابربّك ادخيل
ولي بيننا ما فيه تخلاف=حبّ (غميجٍ) ماله امثيل
صاب الحشا و القلب رجّاف=يوم الغضي شدّ التراحيل