البارحة ساهر ولا غضيت=يالين بر الصبح وانزاح
لي نامت الدلهين ونيت=ونة لذي مضروب بسلاح
على زمان ليت ما ليت=واليوم قفى عني وراح
آبات ليلي في تناهيت=والحال مني هوب مرتاح
سلام للمضنون غنيت=في خط غير الخط ما راح
حطيت خط دون تاكيت=ولا به بريد فيه ينتاح
وصبرت ومن الصبر مليت=وانوح يوم الناس طياح
على وليف به تفانيت=صدوق وده هوب مزاح
يا بومحمد يوم مريت=منازله في وقت الافراح
داره خلت م الزول والصيت=ورسومها عفيت م الارياح
ياليتني بالكوف ما جيت=منازل الغالي والامراح
يا محسن أبغي منك تثبيت=م الدار هذي وين هو راح
يا غير صوت الورق ما اوحيت=إتكسر العبرات بصياح
اتجر صوت يحي الميت=وتميت ناس فيهم ارواح
في منزله ياورق شتيت=يالين جاك الصيف مرتاح
والا أنا ظني انشطيت=والسد مني والعقل راح
يا ورق ياللي بالعلا ابديت=ما همك إلا جر الانياح
يا ورق انا من صوتك اشتيت=وذكرتني وقت مضى وراح
وقت الصبا شرواه ما ريت=وباصيح لو بيرده صياح
أهو رحل عني وانا اقفيت=من يوم في الشيب قد لاح
شروات لون الشن خليت=لي عقه البادي بالأمراح
وآيست من لي بوصله شفيت=أبو ثمان بيض وضاح
شروى المها زوله تهاييت=ظبي الفلا لي وسط الابطاح
واطلبت ربي يوم صليت=طلبة صدوق هوب مزاح
يالله ياللي باني البيت=ومن جاه عنه الذنب قد طاح
تسقي وطن لي به تفانيت=وتخضر داره عقب الاملاح
بحقاب امسوي له فليت=ما هوب مره سبعة اوضاح
لي لظ برقه يشبه الليت=وتسفر به الدنيا إذا لاح
اتشكلت فيه المنابيت=نبت الزريجا زين الارياح
وسط العلاوه ينبني البيت=من العشب ما لقى لك امراح
بيت الشعر ما بني بسميت=وامبطل من غير مفتاح
تلقى الكرم بيته غذا جيت=أهل الكرم ونفوس سماح
صفوة ذهب ما غش بقليت=ومن نالهم قد نال الارباح