بادي راس العلاه=هيضنيه من هواه
ابدع القول العجيب=قول يعجب من قراه
أوله قول الغزل=في حسينات الحلاه
الريوم المنسات=كاملات للصفاه
بالخدود وبالعنوق=والمضمر ما حلاه
وان تيسم بالثمان=كالبرد بين الشفاه
كالفناييل النهود=ما بعد وصفه صفاه
في عيونه كالرماح=يقتلن من جا حذاه
والجدايل سابحات=أسمر فوق القطاه
وان بليت بحب ذا=ما تعين له دواه
طب حق العاشقين=يذكر ريقه وفاه
حللوه العارفين=للصبايا والصباه
ما حلا دنيا ودين=لي تجمع في الفتاه
في العمر هذا يزين=يريع للشايب صباه
ونتي ونة عليل=لي مرض ما به شفاه
أو كما ونة يتيم=لي ما تشرغ في رباه
من فراق اللي أوده=في الحشا ساكن غلاه
لو يطول الوقت والله=لو نسيني ما انساه
كامل كل المعاني=حاوي كل الصفاه
يعل داره من الوسامي=تنسقى ذيك الفلاه
لي يشتيها حبيبي=نور عيني هو جداه
أبعدوني من دياره=لي مشقيني هواه
ما ترى فيها مساجد=ولا مكان للصلاه
غير ناس مسرولين=والنسا كل عراه
ولا يسلم لي لقيته=وان رمس ما اعرف احكاه
والشرب فيها مباح=الخمر واللي شراه
يعلني ما عاد أجيها=في العمر طول الحياه
قبليه راكان شافه=بارق ياضي سناه
ديرة ما تصلح اليه=وديه بشوف البداه
العرب لي ينتمون=صدق ما فيهم رداه
والختم صلوا على احمد=سيدي خير البراه