وقت العصر في عالي الند=ونيت ونات مراضيف
ونيت ونات بلا عد=ولا فادني كثر التحسيف
ابات طول الليل ما ارقد=والجفن عن نوم الملا معيف
حالي من الفراق ملتد=لد الركاب اللي مناكيف
لو مطلبي كل منحصل سد=ما نحت في روس المشاريف
على وليف عني ابعد=دونه غدا رمل ومغاديف
بالعون قلبي صوبه مرد=اللي وداده هوب تزييف
اللي وداده ما ادخله حد=وما شاركه في قلبي وليف
يا كم انا عن بدوه انشد=واتخبر الطرشان والطيف
يعل لي من الغرب يرعد=اللي ترف مزونه رفيف
اللي نشا وحقابه اسود=وقت الصفاري هوب في الصيف
وقت الصفاري يوم يبرد=خواهر ما به عواصيف
صبيب وبله ما به ابرد=ومن جود وبله خشع الليف
يعله على داره يوكد=دار هواها جذي ومريف
من دون داره حالت اقعد=مظامي ورمل مواقيف
ما يوصله ياللي على الشد=شد الركاب اللي مكاليف
يا غير لي له أربعه ضد=ضد الرمل ما فيهن ضعيف
يللي بدا المطلاع ما يرد=واللي يسوقه رجل صريف
رجل على الغربه معود=ومن الخلا لو طال ما يخيف
ويجيك مثل السيل منهد=بارض الوطا تسمع له وحيف
وحيف ريعان على خد=وقت الغيوب وموسم الصيف
هذاك دنه يوم بتشد=وباتنوي ديار المواليف
وهو على التمرين ما كد=ما طار صبغه غاية الكيف
من مصنعه توه مورد=لي له شنابات معاطيف