ذكرتني بالبر يا سيف=وانا بعد للبر مشتاق
وقت الضحى ذب المشاريف=ما تراه يبري منك لاعواق
لي عدت مامن ما انت بمخيف=ترعى القفور وعندك نياق
هذاك والله غاية الكيف=اللي يريح القلب لي ضاق
والضو في عروقب نظيف=تبات تشعل لين لاشراق
ودلال رسلان مصافيف=شي يصب وشي افهاق
في بيت مكيف تكيف=بيت الشعر وحجابه رواق
إلى بغيت تشله خفيف=يبرا لهن والذود تنساق
وإذا بني في عالي منيف=تضوي عليه طوال لاعناق
وقت البني ما فيه تكليف=يبننه النسوان ما عاق
دار هواها جذي ومريف=اللي لها لقلوب تشتاق