يقول الفهيمي بقول نديمي =جديد حشيمي عريب فصاحي
حسين الكلامي على كل عامي =برد السلام لناس شحاحي
قوى المثايل برد الرسايل =كما السيل سايل على ارض بطاحي
كشف عن ضميره بقول استنيره =حزيره لغيره ولا من صلاحي
حمام يغني على كل فني =وانا هيضني بجر النواحي
وقلبي غدن به ولاعاد جن به =وهن وكلن به خفوق الجناحي
وانا سم حالي حسين العدالي =غزال المفالي لي ارث جراحي
وهو لي ذبوحي بعين شبوحي =فلا القلب يوحي لو هن صحاحي
وعوده صخيفي وحكيه لطيفي =وهو للخفيفي يزيده نياحي
يغث العليلي بعرض جميلي =ويغذى الجديلي بطيب الرياحي
غزال الحزومي لفت به حلومي =وله غير زومي وضاق انشراحي
حلوم لفت به بليل ضوت به =هلا يوم جت به حسين الصباحي
غزال لفاني بشوفه حياني =وانا لي سباني هبوب اللفاحي
غزال الصعافيق يرعي المواريق =وانا الهجر ما اطيق ولا لي يواحي
على الصبر ما اروم على فرقهم يوم =تضاول بي هموم صباح واروحي
تضاول بي الهم ولا ظني اسلم =يسقيني السم غزال رماحي
وانا منه صويبي ولا لي طبيبي =وقم يا نديبي وصح بالفلاحي
وقطب شدادي وعدل جوداي =ومن ذي البلادي تحث المراحي
ترى القلب قسمين خلاف المحبين =لك الله يا عين على ذا الصباحي
تهلين بدموع على كل اسبوع =والقلب مفروع وخطر يماحي
صديقي يعيقي ودمعي دفيقي =دفيق هريقي على الخد لاحي
عسى دارنا طروق برعود وبروق =كاد ان يلفي الشوق خلاف انتزاحي
كود الله يجيبه عقب ذا المغيبه =حسين النبيبه بقلبي نصاحي