بايت ما ذال جفني بالرقاد=أطلب الله في المنام وفي الوعاة
حمدوا الله بالفضيله يا عباد=يوم سقيت داركم بمرضفات
سادها طرقين واكساها سواد=عقب ما ذيك السنين الممحلات
قويت الهزلا من الله يوم جاد=واعسفوها بالخطم عقب الفوات
يعل دار صويحبي من تزاد=عشبها تصبح غضونه نايفات
يا نديبي دن هنتين اتلاد=عند أهلهن بالربايا مفنقات
ينغذن م البر والدهن الهباد=والوريقي لي زرروعه تايهات
مرحوهن واكربوهن بالعتاد=البطن لي بالرقوم مولعات
زاهيات فوقهن حط الجواد =لا تسال بروك وإلا واقفات
نحف الأزوار هن منوى القصاد=حيل ومن العشوب مربعات
قفلوهن لي نويتوا الابتعاد=والطروش اللي تعنى ما تبات
واصبحن عقب التعب عسم الأياد=مثلما تشوف الريوم الجافلات
فوقهن صفق الحلق لي في الشداد=صفق طبل بين عبدان وميات
إستخصوا لي لفيتوا في البلاد=وانشدوا عن من ينطق لغطوات
عود ريحان وقرن من زباد =وحش والا لي يعين لغزوات
قاري القاموس م الغطو استفاد=يظهر بيوت خشان مغلطسات
يا فهيم القول برق باحتياد=إعرف الغطوه ونطقها بثبات
ما يقال القول لي ما له وساد =غير ياللي له دروب سابقات
قولنا نجيبه من بدوع جداد=عندنا عين وكوكب وهجلات
يوم عدنا في الجهاله في سداد=قبل لا ننظر رعابيب البنات
من تبعهن ما يفارق للوساد=من أعواق ما تشافيها قريات
ألف صلى الله عدد حر وبراد=وعد ما نش المطوع للصلاة