أهلا عدد ما ناح طير الرعابي=واعداد ما دن الرعد وانهرق ماه
يا مرحبا بالفاظ عرب الخطابي=وما مرحبا باللّي نطق به وعنّاه
نشّيت له فرحٍ وشرحٍ معابي=ورحّبت به ترحيب غالي بمضناه
يا منادمي يا مسندي يا مثابي=اللّي ذكرته لي عسى الله يحماه
شيخٍ زكي الجد عالي الجنابِ=عساه يسلم من تحاديث بلواه
هو سيّد السادات عين الصوابِ=هو صاحب العليا له العز والجاه
راشد أبو مكتوم عد الشرابِ=كم واردٍ أرواه من فضل يمناه
ياسٍ بني عامر لؤي انتسابِ=الله يحرزه عن عيون المعاداه
عساه يجزى بأحسنات الثوابِ=وينال من ربّه عفو فضل مولاه
ويطول عمره ما يكوده مصابي=يفوز بالحسنا ويسعد بدنياه
صلّوا على احمد عد موح السحابِ=واعداد ما غنّى الجمري بمغناه