يا طير سلّم ع الحبيب=قل له تراني مستصيب
جروح قلبي ما برت=وانته الدوا وانت الطبيب

ما طاب نومي يا الضنين=قلبي حزين ومستهين
ارّقت ناسي م الونين=والدمع من عيني صبيب

مصطاب واتسقّى حسرات=ما لذ لي شرب و مقات
لا ذوق نوم ولا أبات=ألعي واسيّع بالنحيب

حاربت لذّات المنام=قلبي حزين و مستهام
من زود مابي م الغرام=أرثي ولا لي من يجيب

يجبر مصابي خالجي=من حالتي وشّو بجي
الحب خلاّني شجي=لي شط بي هجر الحبيب

حبيّبي روحه شكل=ما له وصيف ولا مثل
ريمٍ تربا في غتل=من نظرته قلبي يشيب

شبّهت لونه كالبدر=لي من كمل نصف الشهر
ما بين خدّه والنحر=جيدٍ كأنه نزغ حيب

حلو ابتسامه واللما=ريجه شرى نف الغما
يبري العلايل والظما=سكّر وممزوج بحليب

حلفت بالله العظيم=أنّي بحبّه مستهيم
لنّه حبيبي والنديم=وهو مقاتي والشريب

ما ريد انا غيره بدل=له الجمل بما حمل
وش حيلتي كانه زعل=وآقطع حظّي والنصيب