لي حلّ بي يا ملا ما حل بأنساني=أظنا فوادي وزاد الوجد تعليله
شوفوا غرامي من الليعات شقّاني=واللّي يشوف المشقّى قال يا ويله
أبكي حسف و الدمع يذرف على اوجاني=شروات نف المطر تهطل هماليله
وآجيب ورقٍ لعى في روس الاغصاني=يهتف بصوته وشوّقني تعاويله
تيّم فوادي وانا بالحب غرماني=خلّي نهبني وانا ما قدرت له حيله
بو جادلٍ لي ومى به فوق الامتاني=كنّه شليلٍ يمثّل يوم يتخيله
والخد وردٍ عليه الطل ندياني=والوجه بدرٍ زهى به يوم تكميله
ومن الدماني ماخذٍ جيد و اعياني=ومن الرمك ماخذ ردف وتعازيله
صوّب فوادي بعينه يوم لاقاني=وارمى فوادي بعينه من ورا الشيله
قلت العفو منك يا سحّاب الارداني=جرحت قلبي يا الظنا جرح سلّيله
ذبحت صبٍ على لاماك شفقاني=والآدمي يا الظنا ما يذبح دخيله
قال التدلّع وحسن الخود فتّاني=نحن العذارى نهز الفن ونشيله
اللّي نودّه نحطّه تحت الاجنابي=ولي ما نوده بعد خذناه بالحيله
ولا علينا حكم شرعٍ و سلطاني=ما يهتوي القلب الا لي يغنّي له
واخرست لاجاوبه واتغلّق لساني=حيران قلبي وحالي من يعزي له
متولّعٍ في هوى المحبوب غرقاني=يا ويل قلبي نهبني حلو لقذيله