دبي ترفل بالفرح بإسم حمدان=شيخٍ نجل شيخٍ رفيع الجلالي
مجده سما عند الثريا وميزان=حمدان بن راشد حليف المعالي
من آل مكتومٍ هل العز والشان=واهل الثنا والمجد واهل الكمالِ
مبروك عرسٍ به تدبّر به وزان=بين البرايا واشتهر باحتفالِ
خيلٍ يعرضن بالحفل وسط ميدان=وصوتٍ يغرّد بالطرب والمقالِ
وناسٍ لفوا م البعد للحفل ضيفان=كلّ على فنّه يجر امتثالِ
سحّابةٍ غترا تراكم بالامزان=أنوارها تاضي يمين وشمالِ
رويت صوادرها بجيعٍ وعطشان=وعمّت على جمع الملا والاهالي
ودبي شروى روضةٍ وسط بستان=خضرا رواسيها رب في غتالِ
ديرة بني ياسٍ وهي مصدر عمان=وفّادها تجلب عديمٍ وغالي
لا مثلها الطايف و قبرص ولبنان=غزلانها رتّع بروس المفالي
تسرح وتمرح في مراتيع غزلان=ما تشوف منهن غير زول الخيالِ
لك بالهنا يا سيّدي طول لزمان=تحظى بشوف الشادني الغزالِ
وسعود حظّك والبخت وين ما كان=ياتيك يا حامي الحما والتوالي
من جاد ساد وكان للناس سلطان=ومن جدّم الحسنى ينال المنالِ
الله يكبت كل حسودٍ وعيّان=تفرح حياتك مع حسين الدلالِ
واعذر وسامح كان في القول قصران=يا سيّدي منك العفو لا يزالِ
والختم صلّوا عد ما مالت اغصان=أوعد ما هبّت هبوب الشمالِ
على نبينا سيّد الكون عدنان=والآل ثم الصحب مد الليالي