نام الدليه الخالي .. مذهولي .. مبرد خلّي البال
وانا صويب الحالي .. من حولي .. وانا مجاسي علال
طرف نظري ماذالي .. هملول .. أروى الخدود و سال
يوم الهجر بي طالي .. ووصول .. عسرٍ ماله مجال
ضاع الفكر واحوالي .. لا حولي .. وتغلقت الاحوال
لي صاحبٍ يغلى لي .. خجولي .. مستوحشٍ زعّال
بو جادلٍ نشّالي .. مفلولي .. على المتن ميّال
شروى بدر الكمالي .. يزهو لي .. أراجبه واختال
ريح نسمه كالهالي .. مشمولي .. من نرجسٍ واشكال
زوله بين الخيالي .. ينزولي .. وين إلتفتّ اقبال
شروى موز الغتالي .. يطرو لي .. لي من خطر ع البال
دونه حزوم ولالي .. وهيولي .. متامةٍ ورمال
يا مفتين السوالي .. ردّوا لي .. فتوى هذا السوال
إسم الحبيب الغالي .. مجهولي .. ما تفهمه الاقوال
ستّينٍ بالكمالي .. مجمولي .. واثنين مع ريّال
أزقر بصوتٍ عالي .. و آقولي .. العون يا عقّال
ثيبوا دريجٍ بالي .. وارثوا لي .. يا فهمين المقال
ردّوا فتوى امتثالي .. واخفوا لي .. عن تفهم الجّهال