هذا الشهر لي هل=موعود انا بوصول
والشهر مر وزل=وصويحبي مشغول
والقلب طار و حل=ما عرفت وش باقول
يا ناس قلبي مل=والهجر قام يطول
كم كم باتحمّل=جسمي غدا معلول
يا حلو لمعزّل=يا بو جدل منشول
تلّيت قلبي تل=وانت الذي مسؤول
قال الغضي اتأمّل=واصبر يلين الحول
بالحب لا تعجل=ما ينجح المعجول
عقب الصبر بتعل=من مبسمٍ معسول
بتشم ريح الفل=والمغربي معمول
قلت الأمر مشكل=من حبّكم لا حول
عيني بشّلك شل=عن حاسدٍ وعذول
ماريد غيرك خل=وانته ربيع المول
بضرب وياك التل=بقطع رمل و سهول
في دار ما تندل=يوم العباد ذّهول
هناك با نحتل=مركز هل اسطنبول
بنطالع المجمل=والصرف كم يظول
بنقول شل وخل=منّه على لوصول
من عقب حط و شل=وجف العرض و الطول