قصيدة ( ولّيت يا ذا الدهر )
الشاعر : سالم محمد الجمري

ولّيت يا ذا الدهر بافراح=وسعود ذاك الحظ ما دام
بايام عصرٍ فيه مرتاح=أمشي دنق في زخرف انعام
يوم البخث عدلٍ ومنساح=بالي ونا كنّي ملك شام
شلت الهوى والغي بجناح=والمصعبات ايّن في لولام
واليوم حيدي وسط الامراح=بارك وحظّي دبّر وشام
ما كن لي سطرٍ في الالواح=سابج ولالي في الهوى حرام
حالن وزالن والهوى راح=مرّن شرات اضعاث الاحلام
ما شوف انا للحب مزّاح=لا من ظنين ولا من اندام
لو ما الحيا وادرى م لافضاح=وادرى الهوى مدراة الاحشام
لأقحم قبل لا يقال لي طاح=أشوف ما للحب لزّام
يوم ابتلى به كل ظرناح=وافضى بخصّاتٍ له كتام


قصيدة ( أبيع روحي )
رد الشاعر : راشد بن سالم الخضر

سامرت باسمه عودٍ وراح=وسحر البيان اللّي في الآنام
طعت الهوى واخفضت لجناح=وعصيت كل موشي ولوّام
مالٍ حمر ومتالف ارواح=وإلا التلف والا السعد قام
لو دون وصله سيوف ورماح=أحيى بها والاّ م الاعدام
أبيع روحي بيع لسماح=لرضا حبيبي زين لوشام
والسد لو بنذبح ما باح=لو بنهير ما خنت الاكتام
عن كل نّمامٍ وفضّاح=صنت الدمع واظهرت الابسام
يا سالم الجمري الجحجاح=نرجو الفرج من سيد الآرام
ولي عاد لا صفوٍ ولا صاح=فَ الله الألف والميم واللاّم


قصيدة ( عيدوا نظر )
رد الشاعر : سالم محمد الجمري

عيدوا نظر في رسم وضّاح=واصغوا لمعنى نطق الانظام
يا شايلين الحمل لي طاح=إنبوا وجيبوا ب معنى تام
صبٍّ عنا في بعض ما راح=حوادثٍ من صرف الايام
يقرا لكم سورة استفتاح=وتقرون له تفسير الاحلام
بين الثريا و الثرا باح=إخذوا مثل من رد الافهام
لبّاه من ناداه بافصاح=جابه وقوّى منه الاغرام
يا مشتكاي الدهر كم تاح=قبلك وكم ظعظع من اقوام
لو هو تزخرفت لك بالافراح=متلاه يا مشكاي الاعدام
و الحظ م العادات ينزاح=يمرض و تعلّل بالاسقام
وان عاد جاد و نلت الارباح=نلت الوفا في روس الاعلام
والحب رسمه الاوّلي انماح=الا أثار الحب لي تام
ما حد باقي من هل الراح=إلا تقلّد مثل لرسام
إن سلتني بآصيك يا صاح=فوّض الامر للرب علاّم
عسى عساك تنال الاسماح=وتزول عنك ايّام لحسام