يا حبيب الروح خبّرني=يا الظنا يا بو يدل جاني
ليش تنكرني وتهجرني=ليش يا المظنون تنساني
ليش ما ترحم و تذكرني=بالسلام وتذهب احزاني
يا الظنا ليتك تبادرني=بالوصل وتعود لي ثاني
ساعةٍ فيها تباشرني=عقب هجرك تفعل احساني
عنك قلبي ما يصبّرني=وابتعادك عنّي اضناني
والمحبّه غصب تجبرني=أنطق بطرواك في لساني
إن تركت الحب غثبرني=والهوى فنّي و ميداني
وانت ما تقدر تجادرني=يا الغضي يا دعج الاعياني
مثل ما أوّل تعاشرني=عشرة الخلاّن يا فلاني
يوم اعرّض لك تعذّرني=ما تصرّح لي بتبياني
ليش تجفيني و تنكرني=ليش منّي دوم زعلاني
ليش يا المظنون تحقرني=تنقل اثمي والدهر فاني