يا شعاع النور يا بدر البدور=يا فريد الحور يا قايد الارام
إنت عنّي وين يا نظير العين=إرحم المسكين زوره بالسلام
واعمل المعروف يا سيدي وروف=ساعد المتلوف من فرط الغرام
مغرمٍ بي زاد رظّاخ الفواد=يا ولد الايواد عيني ما تنام
ما يجيني النوم من كثر الهموم=كنّيه محروم من حولين عام
عايفٍ لذّات شربي و المقات=أرضف الونّات مولع مستاهم
هايمٍ بهواك خلّي من غواك=لا تظن انساك يا برد التمام
جادلك مسفوف ع المتون ارضوف=حاحبك معطوف كنّه حرف لام
وجهك الوظّاح نور برقٍ لاح=كنّه المصباح في داج الظلام
ما شراتك حد وجنتك والخد=من زهور الورد لو تفّاح شام
قايدٍ للصيد سولعي الجيد=فايجٍ ع الغيد مدقوق الوشام
غصّنك الغرياف ما بداه هياف=مالي الأطراف ناعم الأجدام
أنت لي محبوب عنّك كيف اتوب=ما علي ذنوب عاشج ما يلام
عاشقس مفتون في هوى المظنون=نظرة المزيون تبري المستهام
حرف قاف و دال فوقهن ريّال=ليش ما بتسال عنّي يا ندام
داوني بدواك واسقني من ماك=من رضاب اشفاك مت تحت اللثام
وانعش المفتون كاد عوقه يهون=وانت لي مضنون روحك و السلام