يا شوق قلبي على شوف الغضي المحبوب=صغيّر السن خلي مازر الاطراف
يلّي بحبّه دعاني مولعٍ مشغوب=أنوح والعي ودمعي يا ملا ذّراف
عزي لقلبي تراني يا ملا باذوب=من لاعج الشوق حل بناظري رفّاف
حبيّبي جاهلٍ غض الصبا رعبوب=أدعج غنج دملجي في مشيته ينداف
والوجه نوره ضيا شمسٍ على لغيوب=والخد لّماع كنّه بارجٍ رفّاف
والخشم يحماه كنّه صارمٍ مجذوب=في مبسمه كاللوالي والثنايا ارعاف
والريج كنّه عسل واحلى من المشروب=والعنق عنق الدماني لي على مشراف
والصدر ديباج ونهوده تشيل الثوب=ومضمّره خافجٍ يشكي ثقل الارداف
صخيّف العود و هو غاية المطلوب=لا هو قصير و لا هو شايعٍ كد هاف
إلا شرى البان عوده يا ملا غرشوب=من سكرة الكيف يمشي م الدجر غرياف
أسمه ثمانين بالجمل ترى محسوب=على ثمان و خمسمن وراهن كاف
ما يعرف اسمه الذي ما يعرف المكتوب=غير الذي في كتابه دارسٍ عرّاف
واللّي شراتي معوّق يا ملا مصيوب=م ايلام قلبٍ غذا به وارد والازلاف
تبع الهوى من تولّع به غدا منهوب=مصفرّ لونه وفي قلبه بعد رجّاف
لي ما دروا قالوا الجمري نباك تّوب=تترك مجال الهوى ومسامرة الاولاف
قلت اسكتوا لي شراتي ما عليه ذنوب=مسموح ذنبه ولو هو فاعل الأسراف
انا المولّع وفن الحب ما معتوب=ومسامرة المودّة والهوى تلاّف
وان مت عنكم فلا للحب قاضي ينوب=من عقب عيني يضيع الفن مع الاشراف
والختم صلّوا عدد ما خطّوا المكتوب=على محمد نبينا كامل الاوصاف