يا علي اعزف بصوت وغنّ لي=ونّس فوادي تراني مستهين
كود همّي من فوادي ينجلي=أطرب لصوتك وعزفك والحنين
يا علي لي من عودك رنّ لي=قلبي تذكّر وهيّضت الكنين
بي وله بي حب خلٍ عدملي=أدعج العينين وضّاح الجبين
لي جديله جانيٍ متعشكلي=أقرن الحيّات بو لونٍ حسين
البدر من نور وجهه يخجلي=والخشم كالسيف لمّاعٍ سنين
والثغر كالشهد عذبٍ سلسلي=يشفي العلاّت والقلب الحزين
والشفايا دامياتٍ ذبّلي=والثنايا كنّهن عقدٍ ثمين
والصدر ديباج والنهد شهلي=مثل شوب التين ما مزّه جنين
والخصر مطواي طي معزّلي=والوسط كالصين والا من لجين
يشتكي من ضيم ردفٍ مثجلي=لي مشى عوده من الناسم يلين
يا الاخو قلبي بحبّه مبتلي=شاغبٍ قلبي على طول السنين
كم صبرت و كم داووني هلي=كم نحت و كم رضّفت الونين
والهوى و الحب أمره مشكلي=صاحبه تعبان ماله من يعين
يرقد المرتاح لي قلبه خلي=والا انا قلبي بعلاّته غبين
ضايعٍ متبايعٍ متعلّلي=أصفج اليسرى على راح اليمين
ما يلام اللّي شراتي يا علي=مولعٍ وآنوح من هجر الضنين
والهوى و الحب هيّض مزملي=والولع مسموح عند العارفين
والذي ما يفتهم رد مثل=ذاك يسمى م الهمج لمغفّلين