يا علي قم انتبه عجلٍ و قوم=هات لي حبرٍ وجرّب لي دواه
بأكتب ابياتي وخذ منّي علوم=وافتهم قول المعنى ومعناه
نام خالي القلب واتهنّى بنوم=والا انا جفني منامه ما غضاه
بايتٍ سهران والجفن محروم=ناهبنّي لي شغبني في هواه
طحت طيحه يا ملا ما قدرت اقوم=يا علي يا ويل من بادت عضاه
من مصاب الحب في قلبي رسوم=ساطياتٍ في الحشا دب الحياه
مولعٍ في حب مدقوق الوشوم=لي وداده في فوادي ما سلاه
ماخذ فوادي وخلاّني أهوم=صد عنّي وآعذابي من جفاه
بوخدودٍ مثل برّاق الغيوم=والجديل اسمر و بالعنبر طلاه
والثنايا كنّهن صفّة رقوم=طعمهن حلو اللما عذب الشفاه
والمعنّق عنق ريمٍ في الحزوم=والمناحر والصدر ياضي بهاه
جاعد النهدين والخصر مهضوم=نابي الردفين معزول القطاه
من فراقه كم جاسيت الهموم=كم نحت وناظري حارب كراه
إن رقدت إلى خياله في الحلوم=وان قعدت ايلن شخصه ما اراه
أذكر اسمه في حشا لفواد دوم=لو بغيت اسليه قلبي ما سلاه
والمحبّه في الحشا سوّت رسوم=علّلتني والهجر حالي براه
بس من كثر الهجر ما طيج يوم=ياهل الجودات ودّوني جداه
اخبروه بحالتي لو هو ظلوم=ذايبٍ ما عاد في حالي شفاه
كاد من عقب الهجر يازم رحوم=يلطف بحالي و هو عنده دواه