يا منادمي وين الظنين=لي يزورني في كل حين
عقب المودّة والوصال=صد و هجرني من سنين

سنتين كمّل بالعدد=لاسال عنّي ولا نشد
وانا اتقوّى بالجلد=مغرم و شاكي حمر عين

عيني تخالي واهملت=حفّت وعادت وذرفت
كمّ اسهرت ياما بكت=من ليعتي قلبي غبين

غنيّت له في كل فن=أبكي واغرّد باللحن
صرّحت بأسمه محتزن=نجم و غزال و ياسمين

الياسمين الرازجي=لي بالمثل ما ينجلي
من دمع عيني ينسجي=النرجسي عوده لدين

دوا المرض ريح نسمه=مثل البرد في مبسمه
والصدر ياضي ما نعمه=والنهد كنّه شوب تين

تاه بجماله ما خيره=ليتك تشوف و تنظره
مثل الرمك لمضمّره=والوسط كنّه من لجين

لجلج فوادي بالولع=لي من تذكّرت الدلع
أشعر بليعات الصدع=أبكي واسيّع بالونين

ونّات قلبي مزعجه=وجروح صدري مدمجه
ودروب خلّي مغلجه=والهجر يا خلاّن شين