يقول الجمري المعروف=براه الشوق من حاله
وشطّه جادلٍ غضروف=ويطري له على باله
عليه مجدّلٍ مرضوف=وعينه عين جتّاله
وحيّاتٍ عليه عطوف=تشابه خطّه الداله
وخدٍّ لامعٍ رفروف=مع الوجنات شعّاله
وفي ثغره بعد مديوف=رحيقٍ عذب سلساله
يشافي علّة الملهوف=ويبري القلب وعلاله
وفي عنقه بعد مصفوف=حلي التبر يحلى له
و في صدره نهود وقوف=لثوبه دوم شيّاله
يزمّنّه مع النفنوف=شرى التفّاح واشكاله
وخصره هايفٍ منحوف=نحيل الحال من حاله
وعوده م الوسط منصوف=يلي هب الصبا ماله
يلي منّه مشى بالروف=يشابه قورة الهاله
وانا قلبي منه مشغوف=ومن كثر العنا داله
أون وونّتي بحسوف=وعيني دوم همّاله
تعال ويا السبيّج شوف=ومن دارك تعنّى له
طريحٍ ناحلٍ متلوف=ولا له حد يرثى له
ترى اللّي يعمل المعروف=ينال الخير بأفعاله
وتصويب المحبّه عوف=ذبحني ذبح سلاّله
وانا قلبي يحث الخوف=من المحبوب وافعاله