يوم السهيلي طاب شرتاه=ورّا على جاشي مواجيد
بي لاهفٍ بي عوق ميفاه=بي هجر بي فرقا الاجاويد
بي غرنجيٍ يضفي غشاه=ويميل في ثياب المساويد
يا ما حلا نظرة محياه=والخد ثامر بالعناجيد
والريج من صافي العسل ماه=وألذّ من در المراديد
له جادلٍ كالليل وشفاه=حمٍ ونهدينه مجاعيد
واللّي تخطّا يقصر خطاه=ويقيّد المشيه تقيّيد
حبّه بخص لفواد و اقصاه=وادعى رسيسه في الأساويد
علّلنيه وابعد بلاماه=واحتال زوله عنّي بعيد
عقب اجتماعٍ صار هوياه=ما تلحقه يا بو حسن ليد
بيني و بينه داروا وشاه=سبور في حصونٍ وتهديد
والليل يجمعني بروياه=بلاطفة هوج ومواعيد
والصبح يوم آثور ملقاه=لاثر اتقصّ ولا تحيّيد
وش خانة الدنيا بليّاه=تمضي وانا ما نالني فيد