قصيدة ( يا شعراء - لغز )
الشاعر: سالم محمد الجمري

(( يا )) شعرا ذا الوقت والعصرا=عاش من بالرد لي قامي
لي يعرّف اللغز و الفسرا=يفسر المعنى يَ فهّامي
عن قصورٍ من زمن دهرا=لا (( ب)) جداد ولا هن جدامي
كمّلن ألفين في الهجرا=ومكثن عامٍ على عامي
هوب من طينٍ ولا صخرا=لا ب سبال ولا هن خيّامي
ما سكنهن حد م البشرا=ولا يردّ، شمس وسهامي
ما سكنهن حد م البشرا=ولا خلن من سكن الاكرامي
كم مزيونه وكم عذرا=كد سكنهن زين لو شامي
وازرعوا فيهن هل الفكرا=تين مع تفّاحنا الشامي
ثامراتٍ به إلى الحشرا=عامرات بطيب وانعامي
كان معكم عنّهن خبرا=وين منزلهن (( ي َ )) علاّمي
في السما لو في وسط صحرا=لو على سحّاب لغمامي
وانتوا اهل الفن والهزرا=عاش من بالرد لي قامي


قصيدة ( حي جيلك )
رد الشاعر : أحمد خليفه الهاملي

حي جيلك حي بالنثرا=من عريب المزمل السامي
حي به فوق العدد عشرا=أو عدد من شدّوا خيامي
أو عدد من قبّل الحجرا=أو عدد من صلّى وصامي
جبت حق المجتمع سطرا=وانت تبغي السر م اليامي
عن قصورٍ ليس من صخرا=لا ولا كانت من خيامي
لا ولا من طين يعتبوا=في الفضا أو في السما السامي
هاك عنهن م الذكي شطرا=في الصحف تنشر بالارقامي
هن ابيات الشعر تعتبرا=غيرهن ما شوف جدّامي
إن خطيت استاهل العذرا=وان أصبحت اعطيني وسامي
هاك منّي ماجد الخبرا=عن ثلاثٍ واربع آسامي
أسمهن واحد على مجرى=من وراهن تابع امامي
يحكمهن لي بدا شراً=بينهن يفتي بلا احكامي
هب اسلام ولا هن بكفرا=هب حلال ولا هن حرامي
طايعات الله إلى الحشرا=م الحليل بعاد وحشامي
إن أصبت اسلم لك الأمرا=وان خطيت آكون انا إمامي


قصيدة ( حي جيلٍ )
رد الشاعر : حامد بن خلف بن غيث

حي جيلٍ هيّج الفكرا=لي ليفى من نسل الاحشامِ
باحترامٍ منّي ووقرا=قمت له بجلال وكرامِ
حي به خمسين مع عشرا=وما هطل وبلٍ من غمامِ
عند من له في الشعر ذكرى=في المعاني مثله عدامِ
بالمشاكل واللغز يطرى=دارس وفاهم وعلاّامِ
وضّح و يبغي بعد فسرا=عند من للفسر فهّام
يا شعرا ذا الوقت والعصرا=إسرعوا ردّوا بالاهمامِ
لي يفوز ترى له الفخرا=ينحسب من روس الارقامِ
نرتضيه وينرفع قدرا=نأيّده ونزيده انعامِ
له شرحت امّا ذكر واطرى=من حروف وجملة اقسامِ
واضع امّا خط في السّطرا=واغمس بعامٍ على عامِ
سين مع متين هل فسرا=شين فوق وموج لطّامِ
قال وصح ولا بعد نكرا=الهدف صبته لك وسامِ
وانتظر من سالم الشكرا=أفتخر به بعض الايامِ
حيث لنّي دايم الدهرا=له أنا حاضر في الأولامِ
هو خبير بحصّتي وادرى=اتخذ لجيله قيامِ
أفهم المضمون واعتبرا=به أرحّب زد الآنامِ
ذا وصلّوا ما اتّضح فجرا=ع النبي والصحب الاكرامِ