أمسيت فوق السيف ممسى الممله=في الليله اللي يعلها ما تعودي
سرت عليه تالي الليل غله=برد الدبادب لي يحرق الجلودي
الديره اللي يوم تصبح مطله=ما جاز فيها للمصلي سجودي
لا واهني اللي ركابه تشله=وينهي عليها لي نوى بالشدودي
واهني لي ما حط في " الكم " حله=ياللي هله شروى حبيس القيودي
وفي " الكم " ما هلت عليه الأهله=ولا رز في دار المزله عمودي
يجيه شربه بالجفا ما فطن به=ما جا على ظهور الركاب الورودي
في منزل هوب كل من جاه دله=كداير ينبت بها كل عودي
شيد طنوبه بو هداب مظله=لي ما غثوه متبعين السيودي
ولا سمع صوت الموج لي شان دله=ولا جيب من شط البحر له جدودي
ولا دور المشخاط غير حله=تصبح دلاله فوق ضوه ركودي
فيها المباني قطبت بالاخله=بروس المفالي هوب فوق لعدودي
يا زين تالي الليل في هدوة له=صوت الفحل وسط القطيع مهدودي
ويا زينهم في قافر الجو فله=خلفات وعشار عليها معقودي
ويما حلى المظهور دقه وجله=وزمل عطايا الله منان العضودي
ويالله ياللي تعلم الحال كله=أنك لنا فيهن رجانا تقودي
هن ذخرتنا يلي جات خله=ولا نيب من درب الجماله جحودي