الخلق سنه او زايد الفرض=زايد عليهم ما خذ الزود
ما ياك يوم اتخاطبه فض=يا هين لين بحر يود
في الصلح لك قلبه اتبرض=وفي الحرب باينسفك لوطود
عود الجنا بالفرد ينقض=والحزمه ما ينقض لها عود
ما ضاع يرجع لا اتغمض=الا الشرف لي ضاع ما يعود
والإتحاد إن ضاع نفتض=وانضيع م الدنيا ولوجود
تاريخنا امذهب امفضض=للإبن والآباء ولجدود
ماشي .. منفل بعض عن بعض=وحده اتعم اصغير وعود
على الجميع الراي يعرض=شيخ ووزير وشعب واجنود
وانا يا عدو متبسم الفض=خلوه مثل اما افى يعود
السبع من يتبسم ايعض=احذر ضحكته أو نابه العود
وحكامنا السبعه هم الحظ=للإتحاد ونصر واعضود
لي عهدهم ثابت فلا ايقض=يوفون به لي يوم لوعود
ما مات حق لو بيمرض=ما دام شي اوراق وشهود
احكم بحكم الشرع به مض=هو سيد الأحكام معمود
الحر ما يستادي القرض=ابشرط لي مستلف جلمود
والضرس غاره لازم ايشض=لو سكن وافتر لازم ايعود
الجلع اولا له من البض=لا يسهرك والعالم ارقود
وما ايفيد جان الظهر منقض=لو بالسند له قاف واضهود
قوه وباس ومال يبهض=واجيوش جو او بح وطود
للجو طيارات تنهض=وامزودات ابقذف ووقود
تفجانهم سيل أو برق لظ=وصوت المدافع قصفه ارعود
في كل حبة رمل م الأرض=جيش أو فوقه صفة اجنود
يالو علينا الموت يفرض=لجل الوطن برواحنا انجود