تعترف أكمام لبجاسي=ولثمار كلها المختلفه
دن عزج الحلو للعاسي=دن هدن .. بنفضه وايخرفه
او مثل ناعم القرطاسي=في يده يطويه وايجسفه
من جفاه همومي اكداسي=لو بواسي الروح .. متكلفه
يحتذي عقلي ولهواسي=وايخلعهن ع العتب زفه
عندي يسوى جملة الناس=واخفي سده محد ايعرفه
يسري زلف الليل لغلاسي=واستلم سرمد سهر زلفه
ظلمه في ظلمه وغلماسي=كلكل وامزون مترضفه
ما الملاحه عالي اجناسي=يسجي ورد الخد وايترفه
كا المطر لي طاح ليباسي=سال لو نفه بثر نفه
بين مد وجزر متواسي=بحر حسنه زاخر ابعفه
م الشمس خذ نور واقباسي=وم الغصن خذ ميله وهزفه
صاد قلبي لحظ نعاسي=صيدت العصفور بالجفه
ساهر واون والناسي=في رغد في نوم في ولفه
من خسر هيعات لنعاسي=وريح وصل الغالي ايصرفه
كالراوسي في الحشى راسي=حبه .. والسلوان ما عرفه
بوصله في غفلة الناسي=مرخص ابروحي لاجل شفه
ما نبا اطروش وقرطاسي=باللواحظ امرنا انصرفه
عقربي يا هي مع اكواسي=مزر مزن اشواقي اتزفه
من تراكم غيمنا الماسي=ليت فوق ادياركم نتفه
ولي سقانا الحب بالكاسي=ليته يسجيكم ولو رشفه
والمطر لي غرق اهواسي=ليت بل اهواسك ابنفه
في حما اكليب وجساسي=زور والليلات منتصفه
ما عليك امن العدا باسي=دامني ابغي الهوى وحلفه
الحسود يكاد بالياسي=في بحر فرعون وانتلفه
وان لفى العاذل ابمرماسي=الهبوب اتشل واتعسفه
مثل عجل السامري الخاسي=ننسفه ف اليم شر نسفه
شلقت جفة غلا الناسي=واريحت بك ف الغلا جفه