دشيت باب الحب بس مار=بخرج ولا لي ريت مخرج
غلق علي احصون واسوار=بر وبحر .. سد كل مخرج
اهوى الهوى واكتم الأسرار=واهل الوشى ما أفتح لهم درج
قلبي عليك أحر م النار=وقلبك علي ابرد من الثلج
ما دش في قلبي ولا دار=غيرك ولو دش قال له : اخرج
يا بدر قلبي لك برج صار=ما يستون بدرين في برج
عندي غلاك اغلى م لاعمار=لو عاذلوني مسمع الهرج
حسنك حسن يوسف لذي صار=وسط الليالي بدر ابهج
في وجنتك ورد وجلنار=زج الحواجب اعدج اغنج
يريت قلبي قلت : يا يار=من القلب لو ثمن الثمن بج
ملح وحلو واحد ف لبصار=الماء لكن الفرق في الحلج
الخال مسج سيد لعطار=والخد ورد فوق لارنج
في غنى عن غيرك اوفي أيسار=وافقر فقير ايليك واحوج
نحتاج لك وانخوض لحطار=في الحب وانته وش به تحتج
بملاكنا نصخي ولعمار=لجلك ايلين الرب يفرج