اهلا عدد صدق المواعيد=واعداد ما تنكتم لاسرار
واعداد ما توجد تقاليد=واعداد تاريخ إو تذكار
واعداد خفق احرار وصيد=واعداد ما حلن ع الأوكار
واعداد حط الليد في الليد=للعهد فوقن يد القهار
واعداد خبط البيد بالبيد=عسم الرجاب او يمن لمهار
واعداد وصل فيه تسديد=واعداد ما المواشين تنهار
واعداد وحدة هل التوحيد=واعداد ما قاتلوا الكفار
واعداد شم اردن وتنهيد=وبسمة عتاب ودمع مدرار
خط لفاني م الإياوييد=اللي فضلهم عم لفطار
منهم اتعلم مدت الليد=حاتم وحاز الكرم والكار
اسرف ترف واشرف تقاليد=اكبار .. هم وانفسهم اصغار
تشهد لهم كل غزوه الغيد=والسرج والبيدا ولكوار
عهد الشرف له وفا وتاكيد=وضد الشرف للعهد غدار
يسمحك راعي الكرم ويعيد=ولبخيل ما يسمح ولو اهيار
اسعد سعد نصر المساعيد=لي يقهرون العدو بقهار
افعل فضل لو فعله امجيد=اد الكرم حقه أو خذ الثار
اجمل هوى واشرف هوى الغيد=لي بالشرف صافي م لكدار
والهير نيرانه مواقيد=والوصل به جنات وانهار
إيهاب شن للتبريد=وايهاب شن صابه اعصار
شتان بين فرق ابعيد =شن نحس صار وشن سعد صار
ظل القرط في الحر ما ايفيد=ما باه عن ظل هبنا واصبار
وظل السدر والغاف تشييد=يغني عن اعلا اقلل واسوار
در العقد يخجل من الجيد=وامن الترايب خجل لزرار
واليوم عن نظم المناشيد=شل مركبي السيري م لبحار
اطلب عذركم يا الاياويد=واطلب عفو الخالج الغفار
ويا سالم المزروع ش اتريد=أمر ولا انخالف لك أشوار
وسعيد له شف أو غلا ايزيد=اللي ابوجوده زانت الدار
اشرف علاقات وتسديد=ابقوه وثبات ما الفلك دار
محروز عن كيد الحساسيد=سالم وعن كل عدو غدار
الخضر يشكركم ابتوجيد=ويثني الشكر والحمد باعذار