تهنا ابهواكم وامتحنا =يا الخرد البيض البياني
نقرا لكم إنا فتحنا=وتقرون لي تبت يدا بي
ضجنا من الهجران ضجنا=وضاق الفضا والارتحابي
عنكم صبر ما شي معنا=وما تم صبر ولا لهبابي
لو حلت م الأوطان حلنا=او ياك لو ربع الخرابي
وان شدت اظعونك ظعنا=وان جمت لك رزت اطنابي
لو في ثقب إبره يسعنا=وياك أوسع م الرحابي
وصلك مطر وسمي المزنا=وغيرك شرى طل الضبابي
ابلا ولف لو كان يبنا=البيت لو " فله " خرابي
يا ليتنا طيرين لذنا=عن باز .. عن قانص ايرابي
أو كوكبين إبرج كنا=جريان وابزوغ وغيابي
أو في شيره بفنين عشنا=إنادم أكواس وغرابي
قاضي المحبه ما نصفنا=ولا حكم حكم الصواب
أدراهم ابمعنى ومغنا=وهم ما يدارون إلجنابي
نومي جفا والليل جنا=ودمعي هطل هطل السحاب
عظيم لو هو اصغير سنا=خصره نحيل .. اوردف نابي
قلبه عليه الثلج بنا=وقلبي على نار التهابي
دمي ابكفه وقال حنا=صاد الأسد ظبي ايهابي
يوم هو شمسنا هو قمرنا=حرام صوبه ما نرابي
كبر الأرض يوم افترقنا=أضوق من الثقب المسابي
يا ثقب لو فيك اجتمعنا=أكبر سعه وأكبر رحابي
جنيت يوم الليل جنا=واصبحت هايم .. وآعذابي
حطيته أعلا قمر منا=وهو حطني تحت الترابي
يوم الحلو ما هوب معنا=كل شي مر .. والدهر جابي