لي في هواكم يا المضانين حالات=والصبر عنكم سادتي م المحالات
مركب غرامي في بحر لجه انكض=لا بر مول ولا على شوف حالات

يا زين غيرك بشكي الحال من له=عبدك تحل دمي على غير مله
وش ينقصك لو من شفاتك عمل له=ادوى ولو ميت اينش كنه ما مات

كم قلت لك يا قلب رد اليمعه=ألقاك روحك والجسم بين يمعه
ولا فادني منهم سوى قول يمعه=" سميت باسمك يا كريم العطيات "

الله كريم الجود ع الكل منا=بما تحب اقلوبنا وانتمنى
هو منزل الرحمه وسلوى ومنا=ولا خاب من يدعوه رب السموات

يا هيه لو تدرون ما في فوادي=اهيم في وادي وقلبي افوادي
أهي ومالي عن حبيبي فوادي=وانا قبلهم واجف في الامارات

يا بوجعود مثل ليل الظلامي=متى تواصلني بسر الظلامي
قلبي غريج وسط بحر الظلامي=وانا بروض الحسن في وسط جنات

صبرك هزم صبري وكسر اينوحي=وطوفان ما شي عقب طوفان نوحي
يا غير دمعي من كثر ما أنوحي=عليك طوفان تغذيه ونات