قصيدة ( يوم تبغي )
الشاعر : راشد بن سالم الخضر

ناهبنّي نورك الواري=والجبين وخرّد اسلوبك
عقد حسنك صاغه الباري=حلو من راسك الى كعوبك
دمع عيني دم حمر جاري=يشبه اوجانك ومخضوبك
دخّلوا روحي وانا خاري=جثّه بلا روح محبوبك
وانت حبّك هاتك اسراري=السقم والسبب من صوبك
وانته انته جنّتي وناري=ممتثل امرك ومطلوبك
قلبي يحذو حذو لآثاري=لي ادخلو عندك وحفّوا بك
ما حووا معشار معشاري=م الوله لو كان بشّوا بك
قلبي اشواق ولهب واري=وقلبك امثلّج على دروبك
تحت ثوبي تشتعل ناري=وجنّة الدنيا تحت ثوبك
الجمال بحسنك يماري=والهوى والغي يزهو بك
لك على قلبي نهر جاري=لو بتذنب يمحي ذنوبك
يوم تبغي ييت بقماري=ويوم ما تبغي تعاوا بك
إنته وبلقيسٍ أجواري=إلها صرح وصرح من صوبك
لك أداري والله الدّاري=أمتثل أمرك ومطلوبك
جيش حبّك خذني اجباري=قمت اعيد النظر من صوبك
الزلوف زلوف الاسحاري=غلس كلكل غيّم غتّوبك
والردوف ردوف لمهاري=والمسك من خنّه ينوبك
أحرزك بالخالق الباري=عن حسودٍ واش يسعوا بك


قصيدة ( يا الخضر )
رد الشاعر : سالم محمد الجمري

مرحبا يا حي الاسطاري=حي مندوبك ومكتوبك
عد ما نسنس هوا الذاري=أو عدد ماجد مندوبك
يا الخضر ذا مسلكٍ جاري=سنّة العشّاق سوّوا بك
كن على الليعات صبّاري=واحتذر م الواش يسعوا بك
لا تقول انك بك اعزاري=كاف من مضناك مطلوبك
إنت روحك بايع وشاري=في الهوى ومسادري هدوبك
للّغوا فقه ونحو جاري=تقدر ترافي فتق ثوبك