قصيدة ( سيد الجواري )
الشاعر : راشد بن سالم الخضر

سيد الجواري الكنس استام=روحي أو ملكته بلا بيع
لو طاعت الخدام الأعمام=ما ريت مثلي في الهوى امطيع
لك في الأمر جدام جدام=لو يعترض لي الموت ما شيع
لو لبسنيه في الأسد خام=بلبس وفي الجله مرافيع
وان قال لا تشرب ألف عام=بظمى ولو بين الزراريع
إلا أن سقاني تحت للثام=من خمر ريجه لو تجنيع
لا اتلومني مثلي ما ينلام=واللوم في اللي مثلي ايضيع
هل كيف يالعذال ينلام=من ودع السلوى توديع
قلبي حجر حبه ولغرام=بما يتابع لك مراييع
ولا ابهيمي بغشم اغشام=وتغويه أعشاب المرابيع
حب وغرام وعشق وهيام=الهن على قلبي مصاطيع
تاريخ سنه عشرة أعوام=وسنتين مع ستة أسابيع
على هدر دبي للأحشام=وقعت إمية ألف توقيع
لو ثاروا أخوالي ولعمام=دمي ابرايه ف الهوى ايضيع


قصيدة ( لول )
رد الشاعر : راشد بن مكتوم

لي شادن ابشام أو عسم سام=ابصدره الوصله لي امطيع
ما شفتني ذايب ولغرام=في الحب متصدع تصديع
ضارب حشايه ضربة ألغام=بضرار تدميره ابتطبيع
لول أنا فارس وصمصام=وامربع الدنيا تربيع
لي صاحب مدقوق لوشام=اشهب لهب حسن أو تصنيع
لو ينظره راشد جبر صام=لله واثنى له تطويع
لو تنظره البيدا ولغمام=في الارض تتفجر ينابيع
جان الجواري الكنس استام=هن الكواكب للتطليع
مترى الرسخ من خاذج تام=حرمت تحريم المراضيع