لي صاحب غالي وأداريه=تبعه شقا وامفارقه هم
كلما بغيت أظعن واخليه=القلب قال إظعن وانا اتم
ببقى معه ببطي أراشيه=عساه يذعن لي ابمبسم
ابطول ليلي بت أراضيه=ودموع عيني يذرفن دم
وإن قامت العذال تطريه=إذني عن العذال تنصم
حب وغلا محد ايساويه=وحسن ومعاني وشوف وشم
ظبي ترعرع في مغاليه=يرعى الخزيمي رايع الشم
الخد بدر في مجاريه=وجاني قذلته الليل لدهم
صدغ وحبة خال تتليه=سودا ومنها المسك ينشم
برق ايلوح وبروق يتليه=من مبسمه لي من تبسم
والسحر عن جفنه وسواجيه=ايهون سحر أجفانه أعظم
ثر حد غيم الهم ييليه=وحد ايزيدك هم في هم
يا مالك قلبي يواليه=يللي وليت اضعيف إرحم
كل ثوب من يجدم اتخليه=وثوب الهوى احسن يوم يجدم
يرح المحبه كم أداويه=وكلما خلفت ادوا نصع دم
كل هم صعب ايهون تاليه=وهم المحبه امديم يعظم