عطشان شني صفق=يا ساكنين الغدير
يا هل الطبق عن طبق=قلبي معاكم أسير
بيرق هواكم خفق=وسط الحشا والضمير
يا حل وحالي أدق=من شعر جفن البصير
قلبي بهواكم دبق=ولا معاهم شوير
أدلق يقوده دلق=ما في الثنينه بصير
يوم المقايل علق=ما في مجيلك خير
وطير القنص لو خفق=ماله مفر يطير
قالوا عبدنا انعتق=وين ما يريد يسير
قلت الحذر من الفرق=م الزعل لا شي غير
عريان والقط ورق=من الجنة للتستير
تايب مثل من سبق=آدم وحواء الشوير
يسلم لذي مانطق=بسد الحبايب الغير
لو كان قيده يدق=والسيف هاوي ويرير
لموصف قال وصدق=لان الموصف خبير
باب الريح ان طلق=يذيك لو هو صغير
سده وزيده غلق=ترتاح نفسك كثير
اكواش نشف وعرق=ما بده غير السبير
قلبي لبق واحترق=يا باردين الضمير
لو هو خضابك علق=دمي خضابه غير
وكل كوكب وكل برق=رعايا وانت الامير
لو كان قلبي ليشق=شافوك وسطه مدير
أنا وياه والأرق=ثلث الليل الأخير
بطن الجرف لي لصق=بطن الوادي المطير
بين العسل والعبق=والخبز حنظل جثير
قمت أكله ويا الورق=وصد الصقطري الشهير
قلبي بخيالك شهق=وفزني بقميص البشير
صدفه وخشر وفق=خير ع خير ع خير
أصدق وعد من صدق=وطروش تي وتسير
سحرنا والليل رق=والسعد نجمه سفير
وافاني ع الحق =ولا ظلمني نقير